د پاکستان يوه جنګي الوتکه نسکوره شوې ده

(کابل ټکی کام ۱۳۹۵تله ۳) الماس خدرخېل

د پاکستان خيبر اجنسۍ کې د پاکستان هوايي ځواکونو يوه F7-PG ډوله جنګي الوتکه نسکوره شوې ده.

د پاکستان خبري رسنيو د خبر له مخې ياده جنګي جيټ الوتکه د جمرود سيمه کې د تخنيکي ستونزو له کبله غورځېدلې ده.

په خبر کې ويل شوي، چې د يادې الوتکې پيلوټانو د پراشوټ په ذريعه ځانونه ژغورلي دي.

په ورته مهال د پاکستان هوايي ځواکونو وياند ويلي، چې دغه جنګي الوتکه په انجن کې د اور لږېدو له کبله وغورځېدله او پيلوټ يې ځان ژغورلی دی.

ویل کیږي چي ۱۰میاشتې وړاندې د پاکستان یوه بله ورته F7-PG ډوله جنګي الوتکه د پوځي تمریناتو پر مهال رالوېدلې وه، خو هغه وخت هم خبر ورکول شوی و، چې پيلوټ يې روغ رمټ دی.