(کابل ټکی کام ۱۳۹۵تله ۵) الماس خدرخېل
د امريکا د ايلي نوي ايالت په پوهنتون کې يو وسلوال برید ترسره شوی، چې له امله يې ۱ تن وژل شوی او ۳ تنه نور يې سخت ټپيان دي.
ځايي اوسېدونکو رسنيو ته ويلي، چې په پوهنتون کې ميله روانه وه، يو کس ډزې وکړې، چې له امله يې يو تن ووژل شو او درې تنه نور سخت ټپيان شول.
سيمييزو پوليسو ويلي، چې دا لا څرګنده نه ده، چې وسلوال بريد څنګه رامنځته شوی.
د ياد پوهنتون چارواکي وايي، چې د پېښې قربانيان د پوهنتون محصلين او کارکوونکي دي.
په بريد کې ټپيان روغتون ته د تداوۍ په موخه لېږدول شوي.
د يادونې ده، چې په دې وروستيو کې په امريکا کې د ورته بريدونو او چاودنو خبر ورکول کېږي. چې وروستي يې دوه ورځي وړاندي د واشینګټن په یوه سوپر مارکیټ کې ترسره شو، چې۴ تنه پکې ووژل شول او له هغې لږ وړاندې د نيويارک ښار په چاودنو کې لسګونه تنه ټپيان شوي هم و.
بايد وويل شي، چې د امريکا جمهوري رياست ته نوماند ډونلډ ټرپ د انتخاباتي پروګرام په يوه وينا کې اعتراف وکړ، چې د امريکا امنيت تر افغانستان هم خراب دی.
