د ترکیې ۳۵ دیپلوماتانو المان کې د پناه غوښتنه کړې
(کابل ټکی کام ۱۳۹۵ لړم ۴) زرغون خوږیاڼی
د ترکیې هیواد ۳۵ دیپلوماتانو د المان هیواد څخه د دیپلوماتیک پاسپورت او په دغه هیواد کې د پناه غوښتنه کړې ده.
د المان د کورنیو چارو وزارت ویلي دي، چې د ترکیې ۳۵ اتباعو په دغه هیواد کې د دیپلوماتیک پاسپورت غوښتنه کړې ده.
یاد دیپلوماتان له ترکیې څخه وروسته له هغه د تیښتې لار غوره کوي، چې په تیر جولای میاشت کې په دغه هیواد کې د ناکامې کودتا هڅه وشو؛ خو کودتا ناکامه او په تړاو یې په زرګونو شکمن کسان ونیول شول او په یو شمیر رسنیو هم بندیز ولګید،چې ځینې خبریالان یې هم د شک په تړاو نیولي دي.
د کورنیو چارو د وزارت ویاند جوهانس دیمروچ په يوه خبري کنفرانس کې وويل، چې دې شمېر ترکي دیپلوماتانو کې د هغوی د کورنۍ غړي هم شامل دي؛ خو تر اوسه روښانه نه ده چې دا ټول سره له کورنیو په المانیا کې اوسیدل غواړي او که یواځې دیپلوماتان.
نوموړي د یادو دیپلوماتانو په اړه نور جزئيات ورنکړل، چې دوی د کومې انګیزې له مخې جرمني ته ځي او که د نیولو ویرې جرمني هیواد ته هڅولي.
ځايي شنونکو په اند دیمروچ د نه ده روښانه کړې، که ترکیه یاد دیپلوماتان له جرمني څخه وغواړي دوی به یې وروسپاري او که نه.
