مصرۍ محکمې پر مرسي د عمري بند حکم لغوه کړ
(کابل ټکی کام ۱۳۹۵ لیندۍ ۲) زرغون خوږیاڼی
د مصر سترې محکمې د اخوان المسلمین پر مشر محمد مرسي باندې د عمري بند حکم لغوه اعلان کړی دی.
د مصر سترې محکمې ددغه هیواد د پخواني ولسمشر هغه حکم لغوه اعلان کړی، چې له مخې یې نومړی او دده ۲۲ نور ملګري په عمري بند محکوم شوي وو.
یادې محکمې د اخوان المسلمین ګوند مشر محمد مرسي باندې د اعدام حکم هم لغوه اعلان کړی و، د سترې محکمې د چارواکو په وینا په مرسي او د نوموړي په ۲۲ نورو ملګرو به یوه بله محکمه ترسره شي.
د اخوان المسلمین ګوند مشر محمد مرسي باندې تور لګیدلی دی، چې نومړي د فلسطین له جهادي ډلو سره همکاري درلوده.
د یادې محکمې چارواکو د مرسي په اړه د دا ډول دریځ غوره کولو په اړه نور معلومات نشته او نه هم جوته شوې چې نوموړي ته به په راتلونکي محکمه کې کوم حکم واورول شي.
