غورکې د معارف یو چارواکي دوه نيم ميلیونه افغانۍ تښتولي دي
(کابل ټکی کام :سه شنبه ،لړم ۱۲ ،۹۴ ۱۳ل)
غور لایت نه مو خبر ترلاسه کړ چې، د یاد ولایت اړوند د تعليم او تربیې یوتن کار کونکي څه د پاسه دوه نیم ميلیونه افغانۍ تښتولي دي .
د غور ولایت شورا رئیس فضل الحق احسان رسنیو ته ويلي دي چې، خداي داد ابراهيم زی چې د دغه ولایت د معارف مالي امر وه د تېرې پنجشنبې په ورځ له دونيم ميليونه افغانيو سره نامعلومه ځای ته تښتېدلی دی .
دغه پېښه د غور د معارف ریاست هم تائید کړې، زیاته کړې يي ده چې ابراهيم زی د ننګرهار ولایت اوسیدونکی دی ۲۶ لکه ۲۶۰ زره افغانۍ چې د معلمينو معاشونه وه له ځانه سره وړي دي .
د یاد ولایت د معارف رئیس صبغت الله اکبري وايي چې نوموړی له درې کالو راهيسې د یاد ولایت د معارف مالي امر وه .
خویو شمېر د غور اوسیدونکي وايي چې، تښتول شوې افغانۍ له ۲۶ لکو څخه زیاتې دي .
د یادونې وړ ده چې د غور ولایت ویاند عبدالحي خطیبي د پېښې له تائید سره سم ويلي دي چې پلټنې مو پیل کړي دي تمه ده چې ابراهيم زی ژر تر ژره ونيسو.
حماس افغان
