لوګر: د علماوو شوری مرستيال وژل شوی
(کابل ټکی کام ۱۳۹۶غبرګولی ۱) الماس خدرخېل
نن دوشنبه د نا معلومه وسله والو له لوري د لوګر ولايت د علماوو شوری مرستيال مولوي عبدالغفور وژل شوی دی.
د لوګر د والي وياند سليم صالح پېښه تائيدوي او وايي، چې پر نوموړي نن سهار مهال د نا معلومه وسله والو له لوري د مرکز اړوند د کلنګار سيمې د عوض کلا په کلي کې بريد ترسره شو.
هغه وويل، چې نوموړی له کوره مسجد ته روان و چې د وسله والو تر بريد لاندې راغلو.
د دغه ولايت والي حليم فدايي د عالمانو شوری او د نوموړي کورنۍ ته تعزيت وړاندې کړې.
تر دې دمه د دغه بريد مسئوليت کومې ډلې په غاړه نه دی اخيستی.
وخت ناوخت د بيلابيلو ولايتونو د عالمانو شوری غړي وژل کيږي، چې ډیری وخت يې مسئوليت يوه ډله هم په غاړه نه اخلي.
