شمالي کوريا نن يو شمير بالستيکي توغندي ازمويلي
(کابل ټکی کام ۱۳۹۶غبرګولی ۱۸) الماس خدرخېل
د جنوبي کوريا رسنۍ د دغه هېواد د چارواکو له قوله ليکلي، چې شمالي کوريا نن يو ځل بیا يو شمير بالستيکي توغندي ازمويلي دي.
د جنوبي کوريا د پوځ له لوري په خپره شوې خبرپاڼه کې راغلي، چې شمالي کوريا نن يو شمير بالستيکي د لرې واټن توغندي ازمويلي خو د واټن او ډول په اړه يې لا معلومات نه دي ترلاسه کړي.
شمالي کوريا په داسې حال کې د نويو توغنديو ازموينه کوي، چې شاوخوا يوه اوونۍ وړاندې د امريکا او ملګرو ملتونو د امنيت شورا له لوري د توغنديو ازموينې د نه بندلو له امله نوي بنديزونه ولګول.
د شمالي کوريا ولسمشر ويلي و، چې پر دوی به د امنيت شورا بنديزونه کوم اغيز ونه کړي او په وينا يې چې دوی به خپلو ازموينو ته دوام ورکړي.
شمالي کوريا په رسمي توګه د خپلې توغنديزې ازموينې په اړه څه نه دي ويلي.
د شمالي کوريا نویو ازموينو د دغه هېواد ګاونډيو هېوادونو او جنوبي کوريا اندېښنې راپارولي دي.
تر اوسه امریکا او د ملګرو ملتونود امنيت شورا په ګډون يې يو هېواد هم په وړاندې غبرګون نه دی څرګند کړی.
