(کابل ټکی کام ۱۳۹۶ زمري ۱۳ فرید افغان)
نن سهار د پکتیا ولایت د امنیه قومندان ویاند سردار ولي تبسم رسنیو ته وویل چې د دې ولایت دجانیخیلو ولسوالۍ شاوخوا څلور بجې افغان ځواکونو په خپله ولکه کې راوستله.
تبسم رسنیو ته د نورو جزیاتو له ورکول ډ ډه کړې.
بلخواطالب ویاند ذبیح الله مجاهد یاده ادعا دروغ او له حقیقته لرې بللې
مجاهد په یوه خبرباڼه کې ویلي چې (موږ دا ادعا په کلکه ردوو، ولسوالۍ اوټولې پوستې یې لاهم زموږ دمجاهدینو په تصرف کې دي)
د یادونې وړ ده چې دا دوهم ځل دی چې افغان چارواکي د یادې ولسوالۍ د بیا نیولو ادعا کوي.
سیمیز خلک وایي چې د امریکایانو په ملتیا زرګونه افغان عسکر د دې ولسوالۍ د بیا نیولو لپاره سیمې ته رسیدلي خو له ټول پرسونل سره یوځای د طالبانو په لمړي خط کې په جګړه کې ښکیل دي.
ګډځواکونه د هوا او ځمکې له لارې بې دریغه هڅه کوي چې یادې ولسوالۍ ته ځان ورسوي خو د طالبانو دجنګي تکتیک او توندو بریدونو له امله لا هم له ولسوالۍ څخه لسګونه کیلو متره لرې دي.
د جانیخیلو ولسوالۍ چې تیرکال یې هم سقوط کړی ؤ لس ورځې وړاندې یوځل بیا پرې طالب وسلوالو ولکه ټینګه کړې ده
