کابل ښار کې چاودنې مرګ ژوبله اړولې
(کابل ټکی کام ۱۳۹۶وږی ۷): څو شيبې وړاندې په کابل کې د مسعود او عبدالحق څلور لارې ته څېرمه زوروره چاودنه وشوه، چې تر دې مهاله د نهو کسانو د مرګ ژوبلې راپورونه ورکول شوي دي.
ځايي سرچينې وايي، دغه چاودنه د يو سرتيري بريدګر له لوري، نن له غرمې مخکې شاوخوا لس بجې رامنځته شوې ده.
روغتيايي مسئولينو په دغه چاودنه کې د اتو تنو د ټپي کېدو او يو تن د وژل کېدو خبر ورکړی دی.
چاودنه د دوهم مکروریانو پر سړک د نوي کابل بانګ او د امریکا متحده یالاتونو سفارت ته نېږدې رامنځته شوې ده.
په پېښه کې د وژل شويو کسانو په اړه کره معلومات نه دي ورکړل شوي، د دغه بريد انګيزه نه ده معلومه.
د چاودنې سيمې ته امنيتي ځواکونه رسېدلي او ټوله سيمه يې کلابنده کړې ده.
تر اوسه پورې امنيتي چارواکو په دې اړه څه نه دي ويلي.
او د دغه چاودنې مسئوليت هم کومې ډلې په غاړه نه دی اخيستی.
