یمن: د سعودي الوتکو په سخته بمباري کې لسګونه تنه وژل شوي اوټپیان دي
(کابل ټکی کام ۱۳۹۶ وږی ۲۰ فرید افغان)
د المیادین په نامه د خبري شبکې په یوه راپور کې ویلي چې د سعودي جنګي جیټ الوتکو د حریب القرامیش په سیمه کې چې د مآرب ښارګوټي په لویدیځ کې پروت ښار دی سخته بمباري کړي چې ۱۳ تنه وژل شوي او ۱۱ تنه نور ټپیان دي.
د سعودي چارواکو په دې هکله له څرګندونو ډډه کړې ده.
د یمن رسنیو د ځایي خلکو له قوله خبر ورکړی چې یادو بمباریو دوی ته سخت مالي زیانونه هم اړولي دي.
باید وویل شي چې د سعودي په مشرۍ عربي ایتلاف له څوکالو راپدیخوا په یمن کې د حوثي شیعه ملیشو پرضد سختو هوایي بریدونو ته زور ورکړی چې له کبله یې پدې هیواد کې لوی تاوتریخوالی رامنځته شوی.
ملګري ملتونه وایي د جګړو له امله د سختو ساري ناروغیو طوفان یمنیان له ګڼو ننګونو سره مخ کړي او روزانه سلګونه کورنۍ له دې هیواد څخه کډوالۍ ته اړ کیږي
