طالبان: د فاریاب په نسکوره شوې چورلکه کې ۲ بهرنیان اسیران شوي دي
کابل ټکی کام ۰۳لېندۍ/۱۳۹۴، فرید احمد
د فاریاب ولایت له خواجه موسی ولسوالۍ څخه په یوه تازه رارسېدلي خبر کې ویل شوي دي چې نن مازدیګر ۴ بجې د یادې ولسوالۍ د تخت بازار په سیمه کې د امریکایي قراردادیانو یوه چورلکه د طالبانو له لوري وویشتل شوه، چی بېړنی ناستې ته مجبوره شوه، تر۲ ساعتونو پورې د اور لمبې ترې پورته کېدې، او په فضاء کې یې تر ليري لیري د اور دودونه لیدل کېدل.
په چورلکه کې ۲ افغانان او یو بهرنی وژل شوی دی، ۱۳ تنه نور افغانان او ۲بهرنیان د طالبانو له لوري ژوندي نیول شوي دي چې طالبانو ادعاء کړې خوندی ځای ته یې رسولي دي.
