ننګرهار ښېوه کې طالبانو له اربکيانو پوسته نيولې

ننګرهار (کابل ټکی کام : جمعه، ليندۍ 13 مه 1394 ل)

طالبانو په خپل رسمي ویب پاڼې کې د یوې خبرپاڼې د خپريدو په ترڅ کې ويلي دي، چې ددوي وسلوالو ملګرو د ښېوې ولسوالۍ اړوند کنډي په سيمه کې د یوې درنې جګړې په پایله کې ۲ اربیکان وژلي او ۱ بل يې ټپي کړی او په یاده سيمه کې د سيميزو پولیسو پوسته يې  نيولې ده .

دغه جګړه نن غرمهال ۱ بجه رامنځ ته شوې ده چې دواړو لوري په کې سپکې او درنې وسلې کارول شوي دي .

خبر پاڼه دغه راز زیاتوي، چې دغه نښته تر دوو ساعتونو وغځېده او پوسته په بشپړه توګه ددوي لاس ته ورغله د ۲ تنو اربکيو مړي په پوسته کې پاتي شوي وه او بل تن يې مرګونی ټپی شوی وه .

طالبانو ته په دغه جګړه کې ګڼ شمېر سپکه او درنه وسله او مهمات په لاس ورغلي دي.

بدرالدين ځواک