(کابل ټکی کام ۱۳۹۶ کب ۹ فرید افغان)
د ډیلي بیسټ ورځپاڼې د خبر تر مخه؛ د ویلز هیواد پلازمینه کابل ته یوه ډله لیږي تر څو هلته د میشتو بهرنیو نظامي عسکرو امنیت په ښه توګه خوندي کړي.
ویلزي قوماندانانو ورځپاڼې ته ویلي چې په تیرو ۶ میاشتو کې یې خپلو لیږدیدونکو عسکرو ته ښه تریننګ ورکړی ترڅو وکولی شي د کابل په هره برخه کې د بهرنیانو امنیت خوندي کړي.
کیپتان «تام ایوانز» بیسټ ته ویلي؛ دا ځواکونه به اوسمهال د «مونمونتشر» پوځي اډې ته لیږدول کیږي او میاشت وروسته به کابل ته واستول شي.
نوموړي ویلي؛ داځواکونه به په کابل کې یواځې ګزمې وهي او وخت ناوخت به افغان عسکرو ته هم روزنه ورکوي او هڅه به کوي تر څو د چټک غبرګون یوه قطعه رامنځته کړي چې د پیښو پر مهال چمتو وي.
دې عسکرو ته د افغانستان د خلکو فرهنګ او ژبه هم ور ښودل شوې تر څو له افغان عسکرو سره له نږدې ښه همکاري ولري .
دا لومړی ځل دی چې د بهرنيو عسکرو د ساتنې په خاطر نور بهرنیان افغانستان ته راځي.
څو ورځې وړاندې اجرایه رئیس په ارګ کې یوې ناستې ته وویل چې طالبان کولی شي په کابل کې هره نقطه په نښه کړي چې ډیری شنونکي دا ګام د طالبانو د قوت لامل بولي.
یو شمیر نور بیا وایي چې؛ دوی به ښایي د هغو نظامیانو ساتنه کوي کوم چې د پردې ترشا په پټو تخریبي پلانونو بوخت دي
