(کابل ټکی کام ۱۳۹۷ وری ۴ فرید افغان)
عموماً په ځوانانو کې د مخ پر پوستکي دانې بې کچې زیاتې وي چې د یوې څیړنې ترمخه ۸۰ سلنه ځوانان پر دې ناروغۍ اخته دي.
دا دانې له ۲۰ تر ۳۰ کلونو پورې پر مخ را خیږي چې په زیاته کچه یادې دانې پرهغو ځایونو چې د غوړو غدې زیاتې لري پیدا کیږي چې عبارت دي له مخ، سینه، اوګو او د بدن نورې حصې ……
روغتیا پوهان وایي؛ د انسان په بدن کې د غوړو بې کچې تولید، د باکتریاو نمو او نورلاملونه دي چې د یادو دانو په زیاتوالي کې رول لري .
دا دانې د بلوغ تر سن وروسته اوپه ښځو کې د قاعدګۍ تر مرحلې وروسته پیدا کیږي.
د زیاتوالي لامل یې د غوړو کریمونو استعمال د مرچکو او چاکلیټو او نورو غوړو مادو نه کار اخیستل او داسې نور ښودل کیږي.
داکتران وایي چې د دې دانو د لمنځه وړلو په خاطر باید اخته کس ۶ میاشتې دوامداراه درملنه وکړي.
وقایه یې داده چې اخته شخص باید په ورځ کې دوه ځله خپله مخ پرصابون ووینځي خو له سختو مښلو دې ډډه وکړي.
له ارایشي کریمونو دې خان وساتي او یادې هم د کمې مودې لپاره پر مخ پریږدي.
همداراز د ویښتانو له غوړولو دې تر ډیره ډډه وکړي.
د دې تر څنګ دې په خوراک کې هم د کافين، نکوتین، مرچکو، چاکلیټو، او وچي میوو استعمال کم کړي.
همداراز مخ مو د لمر له وړانګو څخه لرې وساتئ او که ژر له منځه ولاړې نه شي تشویش مه کوئ ځکه دا دانې وخت ته اړتیا لري.
