نبیل: د دندې په وخت کې د داعش ډلې په ګټه د تبلیغاتو دنده راکړل شوې وه

(کابل ټکی کام ۱۳۹۷ غویی ۱۲)

په داسې حال کې چې په دې وروستیو کې د کابل په مختلفو سیمو کې د داعش ډلې ګڼ خونړي بریدونه وکړل،  تازه  د طلوع تلویزیون خبریالې انیسه شهید د ملي امنیت د پخواني رئیس رحمت الله نبیل له قوله ویلي چې د ملي یووالي حکومت ترې د نوموړي د دندې پر مهال د داعش ډلې په ګټه د تبلیغاتو  او د دې ډلې د قوي ښودلو غوښتنه کړې وه.
نوموړی وایي

“ کله چې د ملي امنیت رئیس وم،  حکومت په رسمي توګه له دې ارګان څخه وغوښتل چې د داعش ډلې د ځواکمن او قوي ښوودلو لپاره کار وکړم“

نبیل د داعش ډلې بریدونو او په حکومتي کچه یې ملاتړ   ته په اشارې سره ویلي ؛  هغه چا چې په ۲۰۱۴ کې یو میلیون افغانانو ته د کار پیدا کولو ژمنې کړې وې،  هغوی اوس د تابوتونو د ګرم بازار مالکین دي چې په خبره یې یو رنګ شوی تابوت په ۹۵۰ او بې رنګه په ۶۵۰ افغانۍ پلوري.
تر اوسه حکومتي چارواکو د نبیل د څرګندونو په تړاو کوم سپیناوی نه دی کړی،  خو په تیر کې ګڼو سیاسي مشرانو، د ولسي جرګې غړو او ولسي خلکو ویلي چې حکومتي چارواکي د داعش ډلې په ګټه د تبلیغاتو او امریکایان یې د مهماتو په رسولو کې سنبولیک رول لري.