(کابل ټکی کام، ۱۳۹۷، غبرګولی ۶) د ورکړل شويو راپورونو پر بنسټ، د پکتيا ولايت په سيد کرم ولسوالۍ کې د بهرنيو ځواکونو اړوند الوتکو هوايي بريدونه کړي چې په ترڅ کې يې يې شپږ ملکي وګړي وژل شوي دي.
ځايي سرچينې وايي، په بريد کې بهرنيو ځواکونو په کوهسين سيمه کې په يوه کې هوايي بریدونه کړي او د يوې کورنۍ شپږ تنه کړي پکې وژل شوي دي.
د سرچينې په وينا، وژل شوي ټول ملکيان دي او د هيڅ وسله والې ډلې سره يې اړيکې نه لرلې.
که څه هم تر دې دمه د ياد بريد په اړه په افغانستان کې ميشت بهرنيو ځواکونو څه نه دي ویلي خو د پکتيا د امنيې قوماندانۍ وياند سردارولي تبسم هم تاييدوي چې په ياده سيمه کې د بهرنيانو له خوا پر يوه کور برید شوی چې شپږ طالبان پکې وژل شوي دي.
خو د طالبانو وياند ذبيح الله مجاهد په ياده سيمه کې په ملکي خلکو بريد جنايت بللی او په پېښه کې يې د طالبانو وژل کېدل رد کړي دي.
د مجاهد په وينا، امريکايانو د کوهسین په خان خیلو سیمه کې د سلیمانزي په نوم د یو ملکي کس په کور بمبار وکړ د کورنۍ ۵ تنه غړي يې شهیدان کړل زیاتوي چې “دغو کسانو مجاهدينو پورې هيڅ تړاو نه درلود”.
امريکا په افغانستان کې د نوې تګلارې له اعلان وروسته په خپلو هوايي بريدونو کې زياتوالی راوستی چې تر ډيره يې زيان ملکي وګړي ګالي.
