(کابل ټکی کام، ۱۳۹۷، غبرګولی ۱۹) د ورکړل شويو راپورونو پر بنسټ، د خوست ولايت په صبريو ولسوالۍ کې بهرنيو ځواکونو د عامه خلکو په ميشت ځايونو بمونه غورځولي او مرګ ژوبله يې اړولې ده.
پېښه تېره شپه د يادې ولسوالۍ مربوط په نور کلي کې رامنځته شوې ده.
ځايي سرچينې وايي، په نور کلي د امريکايي ځواکونو له لوري هوايي بريدونه شوي چې په ترڅ کې پنځه ملکي وګړي وژل شوي او څو تنه نور ټپيان دي.
طالبانو هم د خوست بريد د امريکايي ځواکونو کار بللی او دا يې يو ستر جنايت بللی دی.
په وروستيو کې د ګډو ځواکونو په هوايي بريدونو او شپنيو عملياتو ډير ځلي ملکي هدفونه په نښه کېږي چې هغوی ته پکې درنه مرګ ژوبله اوړي.
