(کابل ټکی کام، ۱۳۹۷، غبرګولی ۲۸) د پښتون ژغورنې غورځنګ مشر منظور پښتون ګواښ يو ځل بيا په ټول پاکستان کې د پرلت وهلو ګواښ کړی دی.
پښتون ويلي، له اختر مخکې ورسره سرکاري جرګې ژمنه کړې وه چې له اډياله زندان څخه به يې پلويان خوشې کوي خو لا هم نه دي خوشې شوي.
نوموړي ګواښ کړی، که د روانې جون مياشتې تر شلمې نيټې يې له ياد زندان حخه پلويان خوشې نه شي په ټول پاکستان کې لاريونونه وکړي.
منظور پښتون نن په خپله رسمي فسبوک پاڼه په خپره کړې ويډيو کې ويلي: “هغه چا چې د پښتون ژغورنې غورځنګ اووه دېرش غړو چې د عدالت او انصاف غوښتنه يې کوله خپل اختر په زندان کې تېر کړ او هغه چا چې ظلم کړی اخترونه يې په خپلو کورونو تير کړل”.
د راپورونو له مخې، له اختر شاوخوا دوه اوونۍ مخکې د پښتون ژغورنې ګوند لسګونه اووه دېرش غړي هغه مهال ونيول شول چې په اسلام اباد کې يې لاريون پيل کړ او په واڼه کې يې د غورزنګ د يوه مشر پر کور د بريد غندنه کوله او د هغو کسانو د نيول کېدو غوښتنه يې وکړه چې په ياده پېښه کې ککړ ښودل شوي و.
