زورورې زلزلې افغانستان او سیمې ته ټکانونه ورکړل
(کابل ټکی کام شنبه، مرغومي ۵ مه، ۱۳۹۴ل):
د تېرې شپې زلزلې چې د افغانستان په وخت د شپې ۱۱بجې ۱۴ دقیقې وشوه پلازمینه کابل، هند، پاکستان ،او تاجکستان ځینې برخې سختې ولړزولې .
دغې زورورې زلزلې چې د رېښتر په کچه ۶ اعشاریه ۴، او ژور ولی ۲۰۳ کیلومټره ښودل شوی، د خیبر پښتونخوایالت پېښور شاوخو سیمو خلک يې له خوبه راوېښ او له بړستنې نه يې انګړ په لور وځغلول .
د لومړنیو راپورونو په بنسټ زلزلې د ګاونډي هېواد پاکستان پېښور ښار په مربوطاتو کې د ۱۸ تنو ټپي کېدو خبر ورکړ ی.
خو د (CNN) تلویزون خبري چینل او یو شمېر نور رسنیو د بلال احمد فیضي له خولې نقلوي چې ۳۰ تنه ژوبل شوي دي .
سره له دې چې د زلزلزلې عمق ډير ښودل شوی ددې معنا داده چې د رېښتر په کچه ۶ اعشاریه ۴ زلزله ډير تاوانونه او مرګ ژوبله اړولی شي خو بیا بلې خوا د ژوروالي له امله د زلزلې قوت نه برسېره کیږي.
تر دې دمه د نورو مړو او ټپیانو راپورونه نه دي ورکړل شوي، خو د خیبر پښتونخوا ایالتي حکوت د خطر سره کرښه اعلان کړې ده .
همدا رنګه د روان کال اکتوبر په ۲۶ مه همدغو سيمو کې د رېښتر ۷ اعشاریه ۵ درجې زلزلې ټکانونه وليدل شول چې په زرګونه خلک يې بې کوره او تر ۳۰۰ پورې يې مړه کړي وه .
سليم بریال
