(کابل ټکی کام ۱۳۹۷ تله ۳)
د هرات ولایتی شورا وایي، چې طالبان د دغه ولایت له ۱۹ ولسوالیو څخه په ۱۳ کې فعال حضور لري او ټولې چارې د دوی تر واک لاندې ترسره کیږي.
د دغه ولایت د ولایتي شورا وکیل توریالي طاهري وایي، د ولسوالیو له کبله آن د هرات ولایت مرکز د سقوط شـیبې شمیـري او که دولت یې پر وړاندې اقدام ونه کړي، ښایي یاد ولایت په بشپړ ډول د طالبانو لاس ته ولویږي.
بلخوا بیا د یاد ولایت چارواکي په ولسوالیو کې د طالبانو فعال حضور مني خو زیاتوي چې د ولایت سقوط ستونزمن دی ځکه هلته د امریکایی ځواکونو پراخ پوځي مرکز شـتون لري، چې په وینا یې طالبان به ونه کړای شي، د یاد ولایت مرکز تر خپل کنترول لاندې راولي.
دغه راز ولایتي شورا وایي،چې په یاد شمیر ولسوالیو کې یواځې مرکزونو باندې دولت حضور لري او اړوند ساحات یې د طالبانو تر واک لاندې دي.
د طاهري په وینا، خلک ټولې حقوقي او جنایي فیصلې پرطالبانو حل کوی او دولتي مراجعو ته هیڅ شتون نه لري.
نوموړی زیاتوي، د هرات په ښار کې له دط ګواښ سربیره د غلا، قتل او اختطاف په ګډون ګڼې جنایي پیښې زیاتې شوې چې خلکو ته یې جدي ګواښ جوړ کړی دی.
