د کونړ والي: د پراخو فسادونو له کبله ګڼ شمېر خلک خپلې پرېکړې په طالبانو کوي

کابل ټکی کام ۰۶جدې/۱۳۹۴، احمدالله مهاجر
د کونړ ولایت والي ښاغلي وحیدالله کلیمزی وایي، د هېواد په عدلي او قضایي ارګانونو کې د پراخو فسادونو له کبله ګڼ شمېر خلک خپلې پرېکړې په طالبانو کوي.
کلیمزي همدا راز وویل چې د هېواد د روانو نا خوالو لوی لامل د تېر حومت د نا سو کړنو پایله ده.
ده وویل، «دا چې زه هر وخت د تېر حکومت پر کړنو نیوکې کومه، خو د یوه با احساسه افغان چارواکي له لورې دا ډول څرګندونې هم کمسارې دي.»
کلیمزي وویل، ډېری خلک شته چې اوسمهال په غرونو کې دي، او د دولت په خلاف جګړه کوي، ده د دغې لامل دا وښود چې دوی د تېر حکومت څخه نا راضه دي.
کلیمزي پخپله وینا کې د کونړ د عدلي او قضايي ارګانونو څخه د عدالت د په پلي کېدو کې د خلکو او حکومت تر منځ د شته واټن د را کمېدو غوښتنه وکړه.
خو له بلې خوا د کونړ د عدلي او قضایي ارګانونو چارواکي وايي، چې د والي له لوري پر دوی لګېدلي تورونه نا سم دي.