نن د جدې میاشتې ۶مه نېټه ده

کابل ټکی کام ۰۶جدې/۱۳۹۴، احمدالله مهاجر
نن د جدې ۶مه نېټه، چې د ډیسمبر د ۲۷مې نېټې سره سمون خوري، او د افغانانو په منځ کې «د جدې په شپږمه» مشهوره ده، په افغانستان کې د ظلم د پیل ورځ بلل کیږي.
۳۵ کاله وړاندې پر دغه ورځ، (د ۱۳۵۷م کال د جدې په ۶مه) د افغان مجاهد ولس پر مجاهد مسلمان ټاټوبي باندې د شوروي ظالم پوځ له خوا یرغل وشو، او دغه هېواد یې تر خپلې ولکې لاندې راووست، او د کمونیسټي حکومت سره یې مرستې پیل کړې، او د کمونستانو په مکتب کې روزل شوی ببرک کارمل یې د افغانستان ولسمشر وټاکو.
که څه هم د افغانستان د هغه وخت د کمونستانو مخکښ چارواکی نور محمد ترکي له لورې و پرځول شو، چې په همدې پسې د دغې ډلې بل چارواکی حفیظ الله امین د افغانستان په خلکو باندې یې رئیس جمهور وتاکو.
ببرک کارمل چې د روسانو له لورې ورسره په مستقیمه توګه مرسته کیدله، حفیظ الله امین وواژه، او خپل ځان یې واک ته ورساوو.
دا هغه ورځ هم بللی شو، کومه چې سرو شورویانو په مجاهد ټاټوبي افغانستان باندې د ځمکې او د فضا له لارې یرغل وکړ، چې په پایله کې یې په میلیونونو افغانان شهیدان، زخمیان او بې کوره شول، چې د افغانستان اساس له منځه ولاړی.
ویلی شو چې په افغانستان کې اوسنۍ روان کړکېچ او بدمرغۍ د جدې د ۶مه نېټه یې لویه سرچینه ده.