(کابل ټکی کام ۱۳۹۷ تله ۱۴)
امنیتي سرچینې وایي چې د کابل ښار په بګرامیو کې د هوایي ځواک یو پیلوټ ترور شوی دی.
سرچینې زیاتوي،د محمدالله په نامه دغه کس د نظامي چورلکو پیلوت و، چې په زیاتو جبهاتو کې یې پر وسلوالو مخالفینو هوایی بریدونه کړي .
طالبانو د یاد پیلوټ د وژلو پړه منلې او په یوه خبرپاڼه کې یې ویلي “ د کابل ادارې یو تن ظالم پيلوټ محمدالله چې په مظلوم ولس باندې په وحشیانه بمباریو کې يې لاس درلود په یوه تکتیکي برید کې ووژل او د خپلو اعمالو په سزا ورسید.“
تر دې یوه میاشت وړاندې هم د کابل د هوایي ډګر درۍ پیلوټان په ورته پیچلي برید کې طالبانو په نښه کړي وو.
