دکابل ټکي کام د وېب سايټ د ادارې لخوا د ۱۳۵۸ هـ،ش کال د جدي مياشتې دشپږمې نېټې په ياد ، د روان کال د (قوس) د مياشتې په لومړنيو ورځو کې (( دجدي ۶ مه دليکنو مسابقه )) ترعنوان لاندې دسيالۍ اعلان خپور شو چې پکې ليکلي يي وو ، ليکنې به دکابل ټکي کام دبرېښناليک له لارې دقوس له لسمې څخه دجدې ترلومړۍ ورځې پورې مني . او دغه راز د مسابقې ګډونوالو ته د سيالۍ شرائط او لارښوونې هم وړاندې کړې وې.
دکابل ډاټ کام ادارې په پام کې وه، چې د دې مسابقې د لومړي مقام ګټونکي ته (۱۰۰۰۰)لس زره افغانۍ ، دويم مقام ګټونکي ته (۷۰۰۰) اووه زره افغانۍ ،دريم مقام ګټونکي ته ( ۴۰۰۰)زره افغانۍ او څلورم مقام ګټونکي ته ( ۴۰۰۰)زره افغانۍ جايزه ورکوي.
دکابل ټکي کام په دغه سيالۍ کې ( ۶۳ ) نارينه او ښځينه ليکوالانو قلمي ګډون وکړ او ليکنې يې را ولېږلې . رالېږل شوې ليکنې د ادارې د کتنې اختصاصي کميسيون لخوا په بشپړ شفافيت سره ترنظر تېرې شوې .
د نوموړي کميسيون لخوا يوازې څلور ليکنې دجايزې ګټنې او دنشر وړ وبللې، چې د ادارې داعلان سره سم به دجدې په ۷مه نېټه دکابل ټکي کام وېب پاڼې له لارې وړاندې شي .
په پای کې دکابل ټکي کام اداره له ټولو هغو ليکوالو څخه چې په دې مسابقې کې يې ګډون وکړ مننه کوي.
(اداره)
