امریکایي څیړنیز مرکز: امریکا په ۱۷کلنه جګړه کې ناکامه وه
(کابل ټکی کام ۱۳۹۷ تله ۱۵)
د “ پیو “په نامه مشهور امریکایي څیړنیز مرکز په یوه مطلب کې ویلي،د امریکا تر نیمایي زیات ځوانان باور لري چې امریکا په تیرو اوولسو(۱۷)کلنو کې نه ده توانیدلې، چې خپلو موخو ته ورسیږي یا هم دا هیواد په یوه باثباته هیواد تبدیل کړي.
دغه څیړنیز مرکز ویلي، امریکا په مطلق ډول د افغانستان په جګړه کې ناکامه شوې او هغه هیلې چې ۱۷ کاله وړاندې امریکایانو د لودلې اوس یې ترسره کیدل یو خوب ښکاري.
راپور زیاتوي؛ په افغان ۱۷ کلنه جګړه کې د افغان ځواکونو تلفات په بیسارې توګه لوړ شوي، د امریکا او ناټو د ټولو هڅو سره سره دا جګړه د بایلات پر لور روانه ده او ورځ تر بلې جنایي او سیاسي کړکیچ مخ پر زیاتیدو ده.
