(کابل ټکی کام ۱۳۹۷ تله ۱۶)
راپورونه وایي، چې د فلسطین په لویدیځه غاړه د “ارئیل“ په نامه د یهودیان میشتنځای ته څیرمه د برکان په سیمه کې یوه فلسطیني ځوان پر یهودانو ډزې کړې.
خبر زیاتوي، د یاد فلسطیني ځوان پر ډزو دوه تنه یهودان وژل شوي او یو ټپي دی.
اسرایلي پوځ ویلي د بریدګر معلومات یې تر لاسه کړي او د موندلو لپاره یې د لټون عملیات پیل کړي.
د پوځ په وینا ، برید ګر ۲۳ کلن ځوان دی چې تر وړاندې یې په یوه سیمیزه فابریکه کې کار کاوو، خو تر دوو اونیو راپه دې خوا یې دنده پریښې وه.
حماس ډلې د برید ستاینه کړې او دا برید یې اسرایلو ته د خپلو مظالمو د سزا بدیل بللی دی.
