سعودي عربستان د شیخ النمر په ګډون ۴۷ تنه ديني شخصیتونه په دار وځړول
(کابل ټکی کام : شنبه، مرغومی ۱۲مه، ۱۳۹۴ ل):
د سعودي عربستان د کورنيو چارو وزات اعلان کړی چې نن د هفتې په ورځ د مرغومي په ۱۲ نېټه يې د شیخ النمر په شمول ۴۷ تنه ديني شخصیتونه د ترهګرۍ ملاتړ په تور په دار ځړولي دي .
ایران د شیخ النمر چې شیعه روحاني مشر وه په اړه يې څو واره سعودي عربستان ته خبر داری ورکړی وه خو له دغو خبرداریو سره سره يې نن په دار کړ .
د یران د بهرنيو چارو وزارت څه موده وړاندې سعودي ته په یوه اخطاریه کې ويلي وه کچیرته د شیخ النمر باندې د اعدام حکم تطبیق شي نو سختې پایلې به ولري .
دغه راز د ایران د اسلامي شورا د ملي امنیت او بهرنیو سیاستونو د کمیسیون ریس علاوالدین بروجردي هم سعودي عربستان ته خبرداری ورکړی وو چې د شیعه مشر النمر د اعدامولو په صورت کې به د ایران او سعودي عربستان ترمنځه جدي بحران رامنځ ته شي.
شیخ النمر شیعه مشر تیر کال د سعودي عربستان لخوا د ترهګرۍ او په هیواد کې د نارامیو کې د لاس لرلو په تور د اعدام په سزا محکوم کړی وه .
نوموړي د هغه مشرانو نه وو چې په ۲۰۱۱ کال کې د سعودي عربستان په ختیځ د قطیف په سیمه کې د دولت پر ضد په مظاهرو لاس پورې کړی وو او د سعودي حکومت د یو ستر ګواښ په سترګه ورته کتل .
د سعودي حکومت د اعدام شوو کسانو نومونه او انځورونه خپاره کړي، چې په دغو اعدام شویو کې یو مصری او بل یې د چاد دهېواد اوسیدونکی دی نور۴۵ تنه يې ټول سعوديان دي .
په اعدام شویو کسانو کې یو شیعه عالم شیخ النمره نه پرته نور ټول يې سني علماء دي .
د سعودي مشهور عالم (فارس الشویل) هم په اعدام شویو کسانو کې شامل دی نوموړی د سعودي حکومت په ۲۰۰۴ کال په دې هیواد کې د القاعدې ډلې د مشر په تور نیولی و.
د نوموړي په اړه ویل کيږي چې د شرعیاتو ماسټري يې اخیستې وه او د سعودي په حکومت يې تندې لیکنې، نیوکې او بیانونه ورکول .
سعودي عربستان حکومت تل هغه علماء نیسي او بنديانوي يې چې کله هغوي د شاهي کورنۍ په باطلو سیاستونو نیوکې وکړي او یا د جهادي ډلو سره کوم راز ولري .
سليم بریال
