(کابل ټکی کام ۱۳۹۷ مرغومی ۱۴)
له بدخشان ولایت نه ورکړل شوي راپورونه وایي چې طالبانو د سیمې د خلکو په هماهنګي د یوه فرعي سړک د جوړولو چارې پیل کړې دي.
په هغه خبرپاڼه کې چې طالبانو خپره کړې راغلي “ دغه ۱۶۰۰ متري سړک به د دوپولک کلی، چې پخوا یې ورڅېرمه سیمو ته په رسېدګۍ کې زیاتې ستونزې وې د ۸ ناحیې اړوند دهن آب خیج له سیمې سره وتړي او په دې ډول به د دوپولک کلي خلکو لپاره د تګ راتګ او ټولنیزو ضرورتونو په پوره کولو کې د پام وړ اساني را منځته شي.“
طالبان زیاتره وخت تر خپل واک لاندې سیمو کې ټولګټو پروژو ته پام اړوي او پر خپلو پلویانو یې ژغ کړی چې له هغو عام المنفعه پروژو چې حکومت او نړیوالې ټولنې پر لار اچولې، په کلکه نظارت او ساتنه وکړي.
