(کابل ټکی کام ۱۳۹۷ سلواغه ۱۵)
ټاکل شوې ده چې د کار او ټولګټو چارو وزارت د پوهنې له وزارت سره په همغږي د افغانستان د ښوونځیو لپاره وړکتونونه جوړ کړي.
د پوهنې وزارت په یوه اعلامیه کې ویلي چې د دغه وزارت سرپرست وزیر میرویس بلخي د کار او ټولنیزو چارو له وزیر فیض الله ذکي سره د ښونځیو لپاره د وړکتونونو په جوړولو هوکړې ته رسیدلي دي.
دواړو چارواکو ویلي، د کودکستان یا وړکتون جوړولو اړتیاوې زیاتې دي او باید جدي توجه ورته وشي.
چارواکو ویلي، وړکتونونو کې د جذبیدونکو میرمنو لپاره به لازمې اسانتیاوې رامنځته او دا پروسه به په ښه توګه تطبیق کړي.
د کار او ټولنیزو چارو وزیر فیض الله ذکي وویل، د دواړو وزارتونو یو متخصص او په کار پوه ګروپ به رامنځته او پر دغه پروژه به کار وکړي.
باید وویل شي چې په افغانستان کې تر ډیره شخصي وړکتونونه فعال دي ؛یواځې څو وزارتونو په ډیره کمه بڼه د خپلو کارمندانو د ماشومانو لپاره وړکتونونه جوړ کړي دي.
