هند: ريل ګاډی له پټلۍ وتلی، لسګونه کسانو ته يې مرګ ژوبله اړولې
(کابل ټکی کام، ۱۳۹۷، سلواغه ۱۴)
هندي رسنۍ وايي، د دغه هېواد په شمال کې يو ريل ګاډی له پټلۍ وتلی چې لسګونو کسانو ته پکې مرګ ژوبله اوښتې ده.
د چارواکو په وينا، دغه پېښنه نن سهار د هند په بيهار ايالت کې رامنځته شې چې په ترڅ کې يې اووه تنه وژل شوي او لسګونه نور ټپيان دي.
د ريل ګاډي ځايي مسوولين وايي، تر اوسه د پيښې لامل نه دی په ډاګه شوی خو د ريل ګاډي يوولس خونې له پټلې وتلي او ياده مرګ ژوبله يې اړولې ده.
د مسوولينو په خبره، سيمې ته مرستندويه ډلې رسېدلي او ښايي په پېښه کې د زيانمنو کسانو شميرې لوړې شي.
د هند ډير خلک په ريل ګاډو کې سفرونه کوي چې وخت ناوخت له ورته ډول پيښو سره مخ کېږي.
