ډاکټر یوسف اکبری
ټول ملت په جریان کې دی چې د طالبانو له سقوط نه راوروسته د غرب نه راغلیو غرب مشربه تالي څټو د امریکایی یرغل لپاره له خپل توان نه زیاتې منډې ترړې او هاند او هڅې وکړې دا د دې لپاره چې له یوې خوا د طالبانو په اړه د خپلو عقدو تڼاکې ماتې کړی او له بله پلوه د امریکا حرام ډالر ترلاسه کړي، له جاسوسۍ نیولې آن د امریکایی سپیو تر پریمینځلو پورې یې له پر هیڅ شي صرفه ونکړه، سربیره پر دې امریکایانو دغه بې منطقه او له عقل نه خلاص تالي څټي تطمیع کړي هم وو چې ګویا د قدرت واګي به د تل لپاره دوی ته وسپاري چې له هیچا به د ویرې احساس نه کوي او پر دغه مجاهد هیواد او مجاهد ملت به خپلې خرمستۍ پیل کړي او امریکا به یې د تل لپاره تر شا ولاړه وي.
د هیواد دغه کرغېړن قشر د اسلام او خاورې د دښمنانو په زرو او زور دومره په نشو تماشو کې ډوب شول چې نور یې د خپلو هیوادوالو پر وژلو د یوې چرګې د وژل کیدا هومره اهمیت هم نه ورنکړ او یواځې د طالبانو پر وژلو یې هم اکتفا ونکړه بلکې د هیواد تنکي ماشومان او خویندې میندې یې هم په خپلو وینو کې ورغړولې.
اوس چې امریکا د وتلو او تېښتې کلک هوډ کړی او یادو تالي څټو ورته که هر څومره لمنې د عذر په حیث وغوړولې څو یواځې یې پرینږدي خو کله چې پوه شول چې دا ننواتې او عذر یې ونه منل شو بالآخره یې د سولې په تخریب او سبوتاژ لاس پورې کړ.
خو اوس لوبه نوره هم بدله شوه اشرف غني یوه بله څپیړه هم پر مخه وخوړه او هغه دا چې اوس یې د محب د لاسه چې پر خلیلزاد یې نیوکې کړې وې له امریکا سره اړیکې نورې هم خړې پړې شوې او امریکا اعلان وکړ چې له دې وروسته به هیڅ یوه امریکایی مرجع له محب سره خبرې ونکړي، او له اشرف غني یې وغوښتل چې نوموړي نور په رسمیت نه پیژني او نه به نور امریکا ته د ورتلو ویزه او اجازه ورکړی او په تعقیب یې امریکایی هغه استازی چې څو ورځې وړاندې په ارګ کې یوې غونډې ته بلل شوي وو خو کله یې چې محب په غونډه کې ناست ولید نو غونډه یې ترک کړه او بیرته له ارګ څخه ووتل، د امریکا دې اقداماتو د اشرف غني پښې نورې هم متزلزلې کړي دي او نوره د بادار سره د پخلاینې د حل ټولې لارې ترې ورکې شوي دي.
نو ویلای شو چې اشرف غني اوس د حال په ژبه وایی چې:
هندو ستړی او خدای ناراضه، او ما چې کړې وې کرواړې هغه خبرې لاړې.
ما څه وکړل او امریکا څه کوي؟
