کندوز: پولیسو دواده په موټرو ډزې کړي، اودوه تنه یې وژلي
کابل ټکی کام ( دوشنبه، ۱۲ وری، ۱۳۹۸ ل)
د کندوز ولایت په مرکز کې د پولیسو یوې پوستې د واده پر یو موټر ډزې کړي او دوه تنه يې وژلي دي.
د کندوز د ولایتي شورا غړي وايي پولیسو له واده راوړونکو د شریني غوښتنه کوله، چې هغوی ورسره خبرې ښکته پورته کړې او پولیسو پرې ډزې کړې دي.
طلوعنیوز د یادې سرچینې په حواله وايي چې د پولیسو او واده راوړونکو تر منځ لفظي شخړه وشوه چې پولیسو پرې د ټوپک شپېلۍ ونیولې.
سرچینه د کندوز د ځايي چارواکو په حواله وايي چې پولیسو ځکه پرې ډزې وکړې چې د واده پر موټرو يې شک راغی او هغوی پوستې ته په ور نږدې کېدو و.
معمولاً تردې پخواهم د لویو لارو پر سر د پوستو عسکر د شرینۍ په پلمه د ودونو موټرې دروي او ان د هغوی تر توان پورته پیسې ترې د شیرینې په نوم اخلي.
څومیاشتې پخوا دفراه ولایت په اوږدو کې دپولیسو یوې پوستې یو موټروان د۳۰افغانیو په نه ورکړې وژلی وو.
