کابل ټکی کام ( دوشنبه، ۱۲ وری، ۱۳۹۸ ل)
مشهورې امریکايي رسنۍ اسوشیټيډپریس د کورنیو چارو وزارت د یو چارواکي په حواله ویلي و، سوریه کې د ایران له لوري شاوخوا ۱۵زره افغان عسکر د بشار الاسد د رژیم په دفاع کې پر جګړه بوخت و، چې شاوخوا ۱۰زره يې افغانستان ته راغلي دي.
د دفاع وزارت ویاند قیس منګل له رسنیو په سره خبرو کې وویل، د دې ډلې په اړه نظر نه لري، «موږ خپلې څېړنې کوو، معلومات به يې وروسته شریک کړو، خو اوس وایم چې د فاطمیونو راتګ ردوو.»
د کارپوهانو په وینا، د افغانستان په حساسو شرایطو کې د فاطمیون ډلې راستېدل به امنیتي ستونزې لا هم زیاتې کړې او ډېر امکان شته چې ایران به د فاطمیون ملېشې د «افغان شیعه ګانو» په ملاتړ د طالبانو او داعش په وړاندې وکاروي.
تردې وړاندې هم دایران واکمن رژیم له افغان شیعګانو مننه کړې وه، چې ددوی په وینا دایران داهدافولپاره یې ډېرې قربانۍ ورکړې دي.
