کابل ټکی کام ( سه شنبه، ۲۰ وری، ۱۳۹۸ل)
پخواني ولسمشر حامد کرزي د هلمند په باباجی سیمه کې دګډو ځواکونوپه نظامي عملیاتوکې چې په نتیجه کې یې د ملکي خلکو د مرګ ژوبلې ترڅنګ، کورنیو ارزښتونو اوافغاني عزتونو ته هم پکښې بې احترامي شوې په ډېرو سختو الفاظو غندلې.
کرزي دغه غیر افغاني او بشري ضد عمل د افغاني ټولنې له ټولو ارزښتونو او رسومو سره مطلقاً په تضاد کې بللی او له حکومت څخه يې غوښتي چې په دغې پېښې کې نیول شوي کسان په ډېر عزت او احترام سره ژر تر ژره خوشې او د افغانانو پر کلیو او کورونو نظامي عملیات، اوبمبارۍ بندې کړي.
کرزي تردې پخواهم په ولسي وګړو دارنګه بوږنونکې پیښې غندلي دي، اوترډېره یې په مسئولو چارواکو دبندولو غږ هم کړی دی.
یادونه بایدوکړو چې دوه شپې وړاندې دهلمندپه باباجي کې دعامو خلکو په کورونو ګډو ځواکونو چاپې وهلي چې درې ښځې یې هم له ځان سره بیولي، دغه بې رحمه عمل دنړۍ په کونج، کونج کې افغانانو غندلی اودایې یووحشي عمل بللی.
