کابل ټکی کام ( یکشنبه، ۲۹ غوايي ، ۱۳۹۸ل)
د سعودي عربستان د بهرنیو چارو وزیر عادل الجبیر ویلي، سعودي جګړه نه غواړي خو هر ډول تېري ته د کوټلي ځواب ویلو لپاره بشپړ چمتوالی لري او کافي بې حوصلې دي.
هغه یوې خبري غونډې ته ویلي، دوی به هڅه وکړي چې په هر صورت د جګړې مخه ونیسي خو که څوک تېری کوي نو سخت ځواب ورکولی شي.
سعودي دا خبرې وروسته تر هغه کوي چې څو ورځې وړاندې یې د تیلو دوه ټانکرونه په ډرون وویشتل شول. د یاد برید پړه حوثي ملېشو پر غاړه واخیسته خو ریاض یې تور پر ایران پورې کړ او ګواښ یې وکړ چې که چېرته تهران بیا هم ورته عمل وکړي نو سخت به پښیمانه شي.
نن یوشمېر رسنیو په سعودي او اماراتو داحتمالي برید خبرونه هم ورکړل، چې سعودي بېړنۍ غونډه راوغوښته او دټولو هغو مشکلاتو په اړه یې دنظر تبادله وکړه چې سعودي ته راپېښېدونکي دي.
