کابل ټکی کام ( پنجشنبه، ۲ غبرګولی ، ۱۳۹۸ل)
پاکستان د زمکې نه په زمکه د وار کوونکي اټومي میزائیل شاهین ۲بریالۍ ازموئنه کړې ده.
دپاکستان پوځ وایي چې دا میزائیل د ۱۵۰۰ کلو میټره زیاتې فاصلې پورې داټومې او روایتي دواړو وسلو د وړلو توان لري.
دپوځ لخوا د پنجشنبې په ورځ یو بیان کې ویل شوي چې د شاهین ۲ اټومي توغندي د ازموینې مقصد د پاکستان دپوځ د استراټیژیکي ځواکونو دکمانډ یا قوماندې عملي چمتووالی باوري کول وو.
پوځي ویاند میجر جنرال اصف غفور په ټوئټر ددې توغندي د ازموئنې یوه ویډیو هم خپره کړې ده او ویلي یې دي چې دا میزائیل سیمه کې ددفاعي تولې پځای ساتلو دپاره دپاکستان استراتیژیکي اړتیاوې پوره کوي.
دشاهین ټو په نوم ددې نوي میزائیل ازموئنه دعربو په سمندر کې شوې چې نندارې ته یې دپاکستان دپوځ دبیلابیلو څانګو مشران اؤ سائنسدانان ورټول شوي وو.
دپاکستان وزیراعظم عمران خان صدر عارف علوي اؤ پوځي مشرانو په دغه بریالۍ ازموئنه پوځ او سائنسدانانو ته مبارکي ویلې ده او د هېواد ددفاع دپاره یې دهغوئ هڅې ستائیلي دي.
