راپورتاژ: عقاب افغان الحنفي
کابل ټکی کام ( پنجشنبه، ۹ غبرګولی ، ۱۳۹۸ل)
نږدې درې ورځې وړاندې د وروس په پلازمینه مسکو کې دافغانستان او روسیې د ډیپلوماټیکو راوبطو د سلمې کلیزې لمانځغونډه دائره شوه چې دې غونډې ته دافغان سیاسیونو سربېره طالب استازي هم وربلل شوي وو.
لومړۍ ورځ لمانځغونډه تر سره شوه چې یوشمېر سیاسیونو او دملابرادر په شمول یوشمېر طالب استازو هم دواړو هېوادونو په سل کلنو روابطو مفصلې خبرې وکړې.
هماغه وخت لا سیاسیونو اوطالبانو دوهمه او دریمه ورځ دبین الافغاني ناستې لپاره ځانګړې کړې وه چې له وعدې سره سم دویمه ورځ دواړه جهتونه بغیر له دولتي استازو سره جرګه شول، او په مختلفو موضوعاتو یې مفصل مباحث وکړل.
دسیاسیونو اصرار په اوربند خوطالبانو دموقت اوربند پرځای دخارجیانو تر وتلو وروسته ددائمي اوربند غوښتنه کوله.
له ساعتونو، ساعتونو وروسته دواړو لوریو ددې غونډې برېکړه لیک برابر، اونن دغبرګولي په نهمه نېټه، دافغانستان په وخت یوه نیمه بجه یې دغونډې کډونوالو ته واوراوه.
په پرېکړه لیک کې دخارجیانو وتل، اوربند، ځمکنۍ پشپړتیا، دښځو حقوق، دنړیوالو اوسمییزو هېوادونو دمداخلې لاسونه لنډول او ورته مسائل مطرح شوي وو، چې له اوربند څخه علاوه ټولې غوښتنې اومادې متفقٌ علیه، او اوربند مختلفٌ بها مسئله وه.
دواړو لوریو دیوبل منل، زغمل، اوپه ائینده کې دورته مجالسو په دائرېدا پرېکړه وکړه.
په ورته وخت کې دوروس خاص استازي ضمیر کابلوف بیا دراتلونکي ناستې په اړه خبرداری ورکړی او زیاته کړې یې ده چې داناسته به دچین هېواد پرغاړه وي. خوتراوسه لا هم سیاسیونو اوطالبانو په دې اړه کوم نظر ندی څرګند کړی.
