کابل ټکی کام( جمعه، ۱۰غبرګولي، ۱۳۹۸)
د عراقي رسنیو د خبر له مخې چې تیر ماښام د کرکوک په ښار کې د مسلسلو چاودنو له کبله ۵ تنه وژل شوي او ۲۰ تنه نور ټپیان دي.
د عراق دفاع وزارت پیښه تائید کړې او ویلي یې دي چې تیر ماښام په پرله پسې ډول ۶ چاودنې د کرکوک په ښار کې شوي دي.
د سرچینې په وینا چې دا بمي چاودنې د کرکوک ښار په بیلا بیلو سیمو کې شوي دي.
د عراق د اردو ځواکونو لخوا په خپره شوې اعلامیه کې ادعا شوې چې امنیتي ځواکونو دوه بمونه خنثا کړي هم دي.
د دې چاودنو مسؤلیت که څه هم تر اوسه کومې وسلوالې ډلې نه دی اخستی خو د چارواکو په وینا چې دا کار داعش د ډلې دی.
