کابل ټکی کام ( جمعه ، ۱۰ غبرګولی ، ۱۳۹۸ل)
وروسته ترهغې چې دسعودي عربستان بادشاه یوشمېر هېوادونو ته په خطاب کې وویل چې دایران پر وړاندې دې ودرېږي، کنه نړۍ ته به سر خوږی جوړ کړي.
نن دایران دبهرنیوچارو وزارت په یوه اعلامیه کې دا تورونه رد کړي او د شاه سلمان کړې ادعاوې یې په کلکو ټکو غندلي.
ایران وايي، سعودي عربستان د یوشمېر هیوادو غونډې څخه شخصي او رقابتي استفاده کوي.
دوی دعربي هیوادونو دمشرانو هغه ادعاوې هم غندلي چې ایران یې دترهګرۍ په ملاتړ تورن کړی.
دعربي هیوادونو مشرانو په خپله غونډه کې ایران دنورو هیوادونو په چارو کې په مداخله او له حوثي یاغانو په ملاتړ تورن کړ.
دوی داغوښتنې په داسې حال کې کوي چې دامریکا دبهرنیو چارو وزیر له اروپایي هیوادونو سره دایران په اړه په کتنو بوخت دی.
