فاریاب: انسان تښتونکي نیول شو
کابل ټکی کام( شنبه، ۱۸غبرګولي، ۱۳۹۸)
د فاریاب ولایت په پښتونکوټ ولسوالۍ کې څلور تنه انسان تښتونکي د پولیسو لاس ته ورغلي دي.
د فاریاب ولایتي چارواکي وایي چې دا کسان د پولیسو په ځانګړو عملیاتو کې نیول شوي دي.
د فاریاب د پولیسو لخوا په خپره شوې اعلامیه کې ویل شوي چې دوی د ۴ تښتول شویو ښځو لټون کاوه چې دغه کسان یې ونیول.
د عملیاتو پر مهال یو انسان تښتونکی وژل شوی هم دی.
په دې وروستیو کې په هیواد کې د انسان تښتونې پیښې زیاتې شوي خو حکومت یې په وړاندې جدي اقدامات نه دي ترسره کړي.
