کابل ټکی کام ( سه شنبه ، ۲۱ غبرګولی ، ۱۳۹۸ل)
دیوشمېر اوکرایني رسنیو دراپور له مخې، په اوکراین کې اورلګېدنې مرګ ژوبله اړولې.
اوکرایني چارواکو دپیښې دتاید ترڅنګ ویلي چې پیښه ددغه هېواد په اودیسه ایالت کې په یو روغتون کې داورلګېدنې له امله رامنځته شوې چې په یاده پیښه کې شپږ کسان وژل شوي دي.
د راپورونو له مخې په دې پېښه کې د پنځه تنه نورو ناروغانو وضعیت چې په روغتون کې بستر وو لا خراب شوی دی.
د اوکرایني چارواکو په خبره، روغتون یو پوړیز و او اور تېره شپه لګېدلی دی.
په وژل شویو کې یوه نرسه او پنځه ناروغان شامل دي. د اورلګېدنې لامل لا تر اوسه مالوم نه دی.
اوکرایني چارواکو دڅېړنو خبر ورکړی، او ویلي یې دي چې وروسته ترڅېړنو به جزیات رسنیو سره شریک کړي.
