هند: سختې ګرمۍ نږدې ۳۶ تنه وژلي

کابل ټکی کام ( شنبه ، ۲۵ غبرګولی ، ۱۳۹۸ل)

دهندي رسنيو دراپور له مخې، دهندپه يوشمېرسيمو کې د سختې ګرمۍ له امله لسګونه وګړي وژل شوي، او يوشمېر روغتونو ته لېږدول شوي.

هندي چارواکي وایي، په دغه هېواد کې د سختې ګرمۍ څپو نېږدې ۳۶ کسان مړه کړي دي.

ددې هېواد د طبیعي پېښو د مخنیوي ادارې مشر ویلي، هند سږ کال د تر ټولې سختې ګرمې څپې تجربه کوي، چې په تېرو څو کلونو کې یې ساری نه دی لیدل شوی.

هندي چار واکي زياتوي، د ګرمۍ دغه څپې ددې هېواد په شمالي او مرکزي برخو کې ډېرې احساسېږي چې یوه میاشت به دوام وکړي.

په روانه میاشت کې په ډهلي ښار کې د هوا ګرموالی ۴۸ درجو ته رسېدلی دی.

دغه راز ددې هېواد په یوه بل ایالات راجستان کې بیا د میاشتې په سر کې ان ۵۰ درجې ګرمي وه.

ویل کېږي چې د بارانونو کمښت په دغه هېواد کې زیاتې ګرمۍ ته لار هواره کړې ده.

دهندحکومت يوشمېربنسټوته امرکړی ترڅو هغوسيمو ته عاجلې مرستې ورسوي چې سختې ګرمۍ ځپلي.