کابل ټکی کام (پنجشنبه ، ۲۷ چنګاښ ، ۱۳۹۸ل)
دکندهار امنیه قومندانۍ له موټربم برید وروسته دطالب سرتېرو له کلکو بریدونو لاندې ده.
سرچینې وایي، طالب سرتیري لاهم ژوندي دي، ځینې یې په قومندانۍ کې دولتي ځواکونه په نښه کوي اوپاتې یې راغلې عملیاتي قطعې سره په جګړه اخته دي.
حکومت دبریدګرو په وژل کېدا دبرید داختتام خبر ورکړی، خودطالبانو ویاند ذبیح الله مجاهد دا ادعا ردوي.
مجاهد په یوتازه ټوېټ کې ادعا کړې چې نن ماښام ۸ بجې د کندهار امنیه قومندانۍ شاو خوا د دښمن په عملیاتي عسکرو بله درنه تکتیکي چاودنه ترسره شوې.
مجاهد زیاته کړې چې په دې تکتیکي چاودنه کې ګڼ شمیر د ځانګړې عملیاتي قطعې عسکر وژل شوي اوټپیان شوي دي.
