(کابل ټکی کام، ۱۳۹۸، چنګاښ ۲۸)
پرون ماذيګر د څلور بجو په شاوخوا کې طالبانو د کندهار پر امنيې قومندانۍ له موټربم بريد وروسته وسله واله نښته پيل کړه چې د ځايي سرچينو په وينا طالبانو وکولای شول د امنيې قومندانۍ داخل ته ځآنونه ورسوي.
که څه هم د کندهار چارواکو په لومړيو معلوماتو کې ويلي و چې ماښام ته نږدې يې سرتيري بريدګر له منځه وړي او د چاودنو او جګړې په ترڅ کې دولس کسان وژل شوي او د شپيتو په شاوخوا کې ټپيان دي.
خو ازادې رسنۍ او ځينې باخبره امنيتي سرچينې بيا په دغه بريد کې د وژل شويو شمير خورا لوړ ښيي په وينا يې ډیری يې امنیتي کسان دي.
امنيتي سرچينې وايي، په یاد بريد کې ځينې مهم نظامي افسران هم وژل شوي دي.
طالبانو رسنيو ته په ليږلې خبرپاڼه کې ويلي، چې پر امنيې قومندانۍ له پرون ماذيګر څلور بجو بريد پيل شو او تر نن سهار پنځو بجو پورې يې دوام وکړ چې په ترڅ کې يې د سلو په شاوخوا کې د افسرانو په شمول دولتي عسکرو او پوليسو ته پکې مرګ ژوبله اوشتې ده.
بريد د څلور تنو بريدګرو له لوري ترسره شوی چې دوه يې موټربم بريدونه کړي او دوه نور امنيې قومندانۍ ته داخل شوي و.
د طالب وياند قاري یوسف احمدي له لوري رسنيو ته په ليږلې خبرپاڼه کې راغلي، چې د بريد له پيل څخه تر نن سهار پورې سرتيرو بريدګرو دولس ساعته جګړه کړې او په ترڅ کې يې د ۴ مهمو افسرانو (د کنډک قومندان نجیب، د جنايي مرستیال، د ګارد قومندان او موادمخدر مدیر) په ګډون د دښمن تر سلو پورې پولیس، عسکر، او ځانګړي ځواکونه وژل شوي او ټپيان دي.
ويل کيږي، په دغه چاودنو او بريد کې د امنيې قوندانۍ زياته برخه ويجاړه شوې او ډیری نظامي وسایط پکې سوځول شوي دي.
