غورځنګ
امريکايانو چې کله پر افغانستان باندې يرغل کولو نو مختلفې بهانې به يې کولې، کله به يې ويل چې افغانستان د هغو ترورستانو ځاله ده کوم چې ټولې نړۍ ته خطر دي، او ټولې نړې ګواښي، کله به يې ويل چې افغانستان کې بنسټ پالي ډېر زيات دي نو ځکه بايد حمله پرې وشي.
خو عموماً يې تر ټولو لويه بهانه دا وه چې اسامه بن لادن چې امریکا ته مطلوب شخص دی؛ په افغانستان کې دی او هغه بايد مونږ ته بې له ښه او بې له بده وسپارل شي، ځکه چې اسامه بن لادن له هغو بريد کوونکو سره لاس لري چې د امريکا په تر ټولو لوړو تجارتي مارکېټونو يې برید وکړ او ړنګ يې کړل چې په سلګونو او زرګونو کسان پکې ووژل شول.
همداشان پر عراق باندې يې د بريد کولو لپاره هم همدې ورته افواهات ويل او ويل به يې چې عراق کېمياوي وسلې لري، خو کله يې چې پرې حمله وکړه نو هېڅ يې هم ونه موندل بلکې ټولې نړۍ ته معلومه شوه چې امريکا د خپلو يرغلونو لپاره هسې خوشې بهانې لټولې.
دغه شان کله چې افغانستان ته راغلل نو يو خو دا چې د دوی په اصطلاح نړيوال ترورستان يې دلته ونه موندل او ټولې نړۍ ته معلومه شوه چې امریکا په دې اړه دروغجنه وه. دويم دا چې اسامه بن لادن يې څو کاله وروسته په پاکستان ايبټ اباد ښار کې د يوه بريد په ترڅ کې شهيد کړ. نو دغه بهانه يې هم پوچه وخته.
همداشان هغه بهانه چې افغانستان کې د نشه يي توکو قاچاق تر ټولې نړۍ ډېر دی؛ په داسې حال کې چې کله دوی حمله وکړه نو دلته يې په هېڅ ډول نشه يي توکي ونه موندل. ځکه چې په دغو نشه يي توکو باندې طالبانو تر ټولو کلک بنديزونه لګولي وو.
نو اوس چې د سولې په اړه مذاکرات کامياب شي او امریکا خپل ظالم پوځيان له افغانستان څخه باسي، نړيوالو ته به څه بهانه کوي؟؟
او په دې اړه به څه ورته وايي چې د کومو موخو او اهدافو لپاره چې مونږ له څوارلس زره کيلو مټره څخه افغانستان ته راغلي وو؛ هغه موخې مو تر لاسه کړې؟؟
او که مو تر لاسه نه کړې؟؟ بلکې په دې اړه به ټولې نړۍ ته امريکايان سترګې نه لري او ټيټې سترګې به وي. ځکه چې دلته يې په افغانستان کې هېڅ هم تر لاسه نه کړل.
دغه شان د دوی هغه بهانه چې دلته بنسټ پالي دي او مونږ به د خپلو پوځيانو په ورتګ سره داسې نظام په افغانستان کې راولو چې نړۍ ته د ساري په توګه وي؛ بلکل کاذبه او درواغجنه بهانه او لافه ده ځکه چې د افغانستان د اوسنۍ ادارې په څېر مفسده او فاحشه اداره په نړۍ کې هېڅ بله وجود نه لري، او دا چې دغه فساد او فشحاء په کې چا رائج کړه نو ځواب دا دی چې امریکا دا هر څه کړي دي او د دې هر څه مسوؤلیت د امریکا پر غاړه دی.
نو په دې اړه به هم ټولې نړې ته د امريکا سترګې ټيټې وي.
او هغه بهانه چې ګواکې په افغانستان کې زیاته نشه يي توکي توليديږي نو دا خو بلکل غلطه او سرچپه ده ځکه په نړۍ کې هېڅوک هم نشي ثبوت کولی چې د طالبانو په دور کې دې د کوم فيصد برابر نشه يي توکي توليد شوي وي، خو دغه صفر فيصدي د امریکايانو په راتګ اوس تقريباً اوياوو خوا او شا ته رسېدلې ده.
نو په دې اړه به امريکا او ناټو نورې نړۍ ته هېڅ سترګې نه لري.
بلکې له افغانستان څخه به شرمنده ذليل او سرټيټي ووځي.
