کابل ټکی کام (پنجشنبه ، ۱۴ وږی ، ۱۳۹۸ل)
د افغانستان د بشري حقونو کمېسیون ننګرهار کې د ځانګړو ځواکونو له لوري د څلور هغو ورونو په وژل کېدو خواشیني ښودلې چې دولتي لوری یې دداعشي ملېشو ملاتړي بولي.
د بشري حقونو خپلواک کميسيون یوې غړې ویلي، چې په ننګرهار کې د دولتي ځواکونو د شپنۍ چاپې پرمهال د ملکي تلفاتو له امله انديښنه لري او د دې ادعا څېړنه به وکړي.
د بشري حقونو کمېسیون پر ګډ حکومت غږ کړی، چې ملکيانو ته د هر ډول زيان اړولو د مخنيوي لپاره ټول لازم اقدامات ترسره کړي.
دا وروڼه د صفر دو ځانګړې قطعې له لوري بیګاه دعملیاتو په جریان کې دخپل کور په انګړ کې په ډزو ویشتل شوي، او دیوې اعلامیې په ترڅ کې یې پرې تور پورې کړی چې وژل شوي وروڼه داعشیان او ددې ډلې تمویلونکي وو.
خو بل لور ته بیا دوژل شویو ځوانانو فیس بک پاڼې دولسمشر اشرف غني په ملاتړ او دطالبانو په مخالفت ډکې دي، دوی بغلان او کندوز کې دتیرې جګړې له امله وژل شوي سرتیري مسلمانان بللي او طالبانو نه یې له جګړې څخه د لاس اخیستلو غوښتنه کړې.
