کابل ټکی کام (پنجشنبه ، ۱۴ وږی ، ۱۳۹۸ل)
له کابل وروسته وسلوالو طالبانو لوګر ولایت کې په بهرنیو ځواکونو موټر بم حمله کړې چې درنده مرګ ژوبله یې رامنځته کړې ده.
طالبانودیاد برید پړه منلې اوزیاته کړې ده چې دابرید یې د لوګر مرکز اړوند پادخواب سیمه کې د خضر په نوم کمپاین مخې ته دبهرنیو عسکرو په قطار تر سره کړی دی.
طالبان دخپلې اعلامیه په دوام لیکي، دغه برید کې ګڼ شمیر بهرني ځواکونه او د هغوی کورني سپیشلفورس عسکرو ته مرګ ژوبله اوښتې، او ډېری نظامي وسائط یې د اور خوراک شوي دي.
دعیني شاهدانو له قوله ویل شوي چې چاودنه زوروره وه، لرې پرتې سیمې یې لړزولي، داچې ساحه کې نږدې ملکي کورونه نشته؛ نو ځکه هیڅ ولسي وګړو ته زیان ندی رسېدلی.
دیادونې وړ ده چې نن سهار مهال طالبانو دکابل په نهمه ناحیه کې په بهرنیو ځواکونو قوي موټر بم تر سره کړ چې تر شلو ډېر خارجي او داخلي ځواکونو ته یې مرګ ژوبله واړوله.
