کابل برید: ناټو دخپلو دوو سرتېرو وژنه تائید کړه
کابل ټکی کام (پنجشنبه ، ۱۴ وږی ، ۱۳۹۸ل)
ناټو کابل کې دطالبانو په نني موټر بم برید کې دخپلو دوو عسکرو وژنه تائید کړه.
د ناټو غوڅ ملاتړ ماموریت له لوري په خپره شوې خبرپاڼه کې ویلي چې دغه سرتېري یو یې امریکایی او بل یې رومانیایی وو.
د کابل ښار د نهمې حوزې د شش درک سیمه کې نن تر غرمې مخکې موټربم برید وشو، طالبانو دبرید مسئولیت منلی او د لوړو تلفاتو ادعا یې کړې ده.
طالبانو په یوه اعلامیه کې ویلي و چې دبرید پایله کې یې دولس امریکایي او اته تنه دملي امنیت سرتیري وژلي او یوشمېر وسائط یې تخریب کړي دي.
