کابل ټکی کام (جمعه، ۲۲ وږی ، ۱۳۹۸ل)
دګډحکومت مشر محمد اشرف غني هم له ټرمپ وروسته دسلګونو طالب جنګیالیو د وژلو، ټپي کولو، او نیولو ادعا وکړه.
غني وایي، د طالبانو پر ضد یې جګړه توده کړې او په یوه اونۍ کې د دغې ډلې څه باندې زر کسان وژل شوي دي.
نوموړي چې د کمپاین په یوې غونډه کې خبرې کولې، د دغې مړینې پړه د طالبانو پر سیاسي مشرانو واچوله او وې ویل، دی خپله د وینې تویدنې پلوي نه دی.
حکومت مشر وایي، سولې ته چمتو دی خو ټینګار کوي چې د سولې په اړه هر ډول پریکړه باید په ارګ کې دننه وشي.
له طالبانو سره د سولې خبرو تر لغوه کېدو وروسته حکومت پلوه ځواکونو او طالبانو د یوه او بل پر ضد د جګړې ډګرونه تاوده کړي.
د طالبانو ویاند ذبیح الله مجاهد خپلو ملګرو ته د یادې مرګ ژوبلې ادعا رد کړې، دغني وروستۍ څرګندونې یې خندونکې، د حکومت او امریکا له خوا تش تبلیغات بللي.
غني دا ادعا داسې مهال کوي چې تېره ونۍ دوسلوالو طالبانو له لوري اووه هغه ولسوالۍ سقوط شوې چې ددولتي ځواکونو ترحاکمیت لاندې وې، یادې ولسوالۍ لاهم دطالبانو په لاس کې دي.
