کندهار کې د بهرنيو ځواکونو پر ټانګ ماین چاودنه شوې
(کابل ټکی کام، ۱۳۹۸، وږی ۲۵، دوشنبه)
د کندهار ولايت په ډنډ ولسوالۍ کې د بهرنيو ځواکونو په زغره وال ټانګ ماین چاودنه شوې چې د ځايي سرچينو په وينا بهرنيانو ته پکې تلفات اوښتي دي.
چاوده پرون ماښام د يادې ولسوالۍ مربوط په کلانتر سیمه کې د بهرنيانو د ګزمې پر موټر ترسره شوې ده.
طالبانو د چاودنې مسؤولیت په غاړه اخيستی او ویاند يې قاري يوسف احمدي په خپله رسمي ټويټر پاڼه لیکي، د ماین په چاودنه کې د امریکايانو ټانګ تخريب شوی او پکې سپاره اشغالګر مړه او ټپيان شوي دي.
تر اوسه په افغانستان کې ميشت بهرنيو ځواکونو په چاودنه کې د اوښتو تلفاتو په اړه څه نه دی ويلي.
د چاودنې ځای ته نږدې سرچینې وايي، د بهرنيان ټانګ په مکمله توګه تخريب شوی او پاتې ټوټې يې په بل زغره وال ګاډي کې يوړلې.
په کندهار کې وخت ناوخت د بهرنيو ځواکونو زغروال موتر د طالبانو د کمین او چاودنو هدف ګرځي چې هغوی ته پکې مرګ ژوبله اوړي خو تر ډيره په افغانستان کې ميشت بهرني ځواکونه خپل تلفات له رسنيو پټ ساتي.
